Framkvæmdir við nýja fiskvegi við Laxárvatn og Svínavatn eru komnar vel á veg. Þær hafa verið í undirbúningi í alllangan tíma, enda nauðsynlegt að fara að öllu með gát í verkefnum sem þessum.

Sjö úr starfsliði Stoðar hafa fengið réttindi til að starfa sem merkjalýsendur

Við hjá Stoð verkfræðistofu ehf. höfum tekið í notkun nýja og betrumbætta heimasíðu. Heimasíðan hefur verið endurskipulögð og gerð notendavænni fyrir tölvur, spjaldtölvur og farsíma. Hönnun og uppsetning var unnin af Ólínu Sif hjá ÓLÍNA design. Við kunnum henni bestu þakkir fyrir gott og farsælt samstarf. Heimasíðan er í stanslausri þróun - við fögnum öllum ábendingum á stod@stodehf.is.

Í október efnir BIM Ísland, sem Stoð verkfræðstofa er aðili að, til ráðstefnu sem ber heitið Dagur stafrænnar mannvirkjagerðar – og er fyrir alla þá er koma að mannvirkjagerð á öllum stigum ferlisins. Ráðstefnan var einnig haldin í maí 2023 – sem þeir Hallgrímur Ingi, Þórður Karl, Sigurður Óli og Magnús Freyr sóttu. Við tökum að sjálfsögðu þátt í ár og sendum fulltrúa, enda stafræn tækni vaxandi þáttur í hönnun og mannvirkjagerð.

Við fengum góðan liðsstyrk í sumar hjá Ester Maríu Eiríksdóttur, sem er á lokametrum í B.Sc. námi í byggingartæknifræði frá Háskólanum í Reykjavík. Ester stóð vaktina með prýði, og kom bæði að hönnun og mælingum. Hún hefur gefið kost á sér í áframhaldandi samstarf og verður okkur innan handar í vetur.